Охридското Езеро – важен потенцијал за развој на Сината економија

Во рамки на анализата за состојбите, потенцијалите и предизвиците на Сината економија во Северна Македонија, изработена од Сојузот на стопански комори на Македонија (ССК), како партнер во проектот „Сина економија – GROWTH4BLUE“, со поддршка на Европската Унија преку инструментот ИПА III – туризмот поврзан со водните ресурси се издвојува како значаен сектор со потенцијал за натамошен економски развој и создавање нови можности за одржлив раст.

Охридското Езеро има особено значајна улога во овој сегмент, имајќи предвид дека генерира 82% од туристичките приходи поврзани со Сината економија во земјата. Во туристичкиот сектор во Охридско се регистрирани 68 хотели и 1.240 апартмани, а езерскиот туризам привлекува просечно 1,2 милиони ноќевања годишно.

Туризмот има значајно место во македонската економија, со учество од 7,4% во БДП, при што стратешката цел е неговото учество да се зголеми на 10–11%. Овие показатели го потврдуваат потенцијалот на туризмот поврзан со природните и културните ресурси за придонес кон економскиот развој.

Истовремено, анализата укажува на високата сезоналност како еден од клучните предизвици. Околу 70% од туристичките посети се реализираат во периодот јуни–август, што упатува на потребата од развој и промоција на туристички содржини кои ќе придонесат за продолжување на сезоната и поголема искористеност на капацитетите во текот на целата година.

Во таа насока, значаен потенцијал постои во развојот на еко-туризмот, културниот туризам и дигиталните услуги, како и во креирањето нови туристички производи поврзани со природното и културното наследство на регионот. Диверзификацијата на туристичката понуда може да придонесе за зголемување на економската активност, отворање нови можности за локалниот бизнис и создавање дополнителни работни места.

Притоа, одржливото користење на природните ресурси претставува клучен предуслов за долгорочен развој. Заштитата на Охридското Езеро и неговиот екосистем, заедно со унапредувањето на инфраструктурата, дигитализацијата и примената на зелени технологии, се важни за постигнување баланс меѓу економските придобивки од туризмот и зачувувањето на природното наследство.

Развојот на туризмот поврзан со Охридското Езеро претставува значаен дел од пошироката визија за Сината економија – модел на развој кој ги поврзува економскиот раст, создавањето нови можности и работни места со одржливото управување и заштитата на водните ресурси и екосистеми.

________________________

Lake Ohrid – A Significant Potential for the Development of the Blue Economy

As part of the “Blue Economy – GROWTH4BLUE” project, the Macedonian Chambers of Commerce (MCC), as a project partner, conducted an analysis of the state, potential and challenges of the Blue Economy in North Macedonia, with the support of the European Union through the IPA III instrument. The analysis identifies water-based tourism as a significant sector with considerable potential for further economic development and the creation of new opportunities for sustainable growth.

Lake Ohrid plays a particularly important role in this segment, given that it generates 82% of tourism revenues related to the Blue Economy in the country. The tourism sector in the Ohrid region comprises 68 hotels and 1,240 apartments, while lake tourism attracts an average of 1.2 million overnight stays annually.

Tourism plays an important role in the Macedonian economy, accounting for 7.4% of GDP, with a strategic objective of increasing its contribution to 10–11%. These indicators confirm the potential of tourism linked to natural and cultural resources to contribute to economic development.

At the same time, the analysis identifies high seasonality as one of the key challenges. Around 70% of tourist visits take place during the June–August period, highlighting the need to develop and promote tourism activities that can contribute to extending the tourist season and ensuring greater utilisation of available capacities throughout the year.

In this regard, significant potential lies in the development of eco-tourism, cultural tourism and digital services, as well as in the creation of new tourism products linked to the region’s natural and cultural heritage. Diversification of the tourism offer can contribute to increased economic activity, create new opportunities for local businesses and generate additional employment.

At the same time, the sustainable use of natural resources is a key prerequisite for long-term development. The protection of Lake Ohrid and its ecosystem, together with improvements in infrastructure, digitalisation and the application of green technologies, is essential to achieving a balance between the economic benefits generated by tourism and the preservation of natural heritage.

The development of tourism centred around Lake Ohrid represents an important component of the broader vision for the Blue Economy – a development model that connects economic growth, the creation of new opportunities and jobs with the sustainable management and protection of water resources and ecosystems.