Групации во рамките на ССК
Во Сојузот на стопански комори на Македонија (ССК) функционираат професионални групации кои ги обединуваат членките според нивната дејност и заеднички интереси. Групациите имаат за цел унапредување на одредени сектори, размена на искуства, иницирање на предлози и застапување на интересите на членките пред институциите.
Групација за Проекти
Претседател: Драган Пехчевски
Групацијата за Проекти има за цел унапредување на проектното планирање, управување и имплементација во различни области од стопанството. Таа ги поддржува своите членки во користење на национални и меѓународни фондови, развој на стратешки проекти и примена на современи проектни методологии, со фокус на одржлив раст и иновации.
Групација за Пожар и Кризен Менаџмент
Претседател: Марија Кукуноска
Групацијата за Пожар и Кризен Менаџмент е насочена кон подобрување на превенцијата, подготвеноста и реакцијата при пожари и кризни состојби. Таа работи на развој на стандарди, процедури и обуки за зголемување на безбедноста, заштитата на луѓето и имотот, како и јакнење на капацитетите на компаниите за справување со ризици.
Групација за Стартапи
Претседател: Весна Кузмановиќ
Групацијата за Стартапи претставува платформа за поддршка и развој на стартап компании и иновативни претприемачки идеи. Таа овозможува поврзување на стартапите со бизнис-заедницата, инвеститори и ментори, како и креирање на поволна средина за раст, иновации и конкурентност на пазарот.
Групација за Игри на Среќа
Претседател: Мирјана Митревска
Групацијата за Игри на Среќа ги обединува субјектите од оваа индустрија со цел унапредување на регулативата, промоција на одговорно и одржливо работење и јакнење на соработката со надлежните институции. Фокусот е ставен на транспарентност, усогласеност со законските прописи и развој на добри деловни практики.