Сина економија: водата како основа на земјоделството

Сојузот на стопански комори на Македонија (ССК), како партнер во проектот „Сина економија – GROWTH4BLUE“, со поддршка на Европската Унија преку инструментот ИПА III, изработи сеопфатна анализа за состојбите, потенцијалите и предизвиците на сината економија во земјата, со фокус на клучните сектори и пазарот на труд.

Во рамки на анализата, земјоделството се издвојува како еден од клучните сектори, со учество од 7,1% во БДП и над 53 илјади вработени. Сепак, неговата висока зависност од водните ресурси го прави особено чувствителен на предизвиците поврзани со управувањето со водата.

Анализата покажува дека дури 78% од земјоделските површини се наводнуваат, додека околу 23% од водата се губи поради застарени и неефикасни системи. Дополнително, земјиштето кое се обработува зафаќа само 16,5% од вкупната територија на земјата, што ја нагласува потребата од поефикасно користење на расположливите ресурси.

Во исто време, секторот се соочува со значителни структурни промени, вклучително и намалување на учеството на работната сила, како и континуиран трговски дефицит во земјоделството.

Во таа насока, клучни приоритети се модернизацијата на системите за наводнување, особено преку воведување на ефикасни решенија како што е системот „капка по капка“, поддршката за премин кон органско производство и унапредувањето на управувањето со водните ресурси.

Ефикасното управување со водата останува предуслов за развој на одржливо и конкурентно земјоделство.

_______________

Blue Economy: Water as the Foundation of Agriculture

The Macedonian Chambers of Commerce, as a partner in the project “Blue Economy – GROWTH4BLUE”, supported by the European Union through the IPA III instrument, has prepared a comprehensive analysis of the current state, potential, and challenges of the blue economy in the country, with a focus on key sectors and the labor market.

Within the analysis, agriculture stands out as one of the key sectors, contributing 7.1% to GDP and employing over 53,000 people. However, its high dependence on water resources makes it particularly vulnerable to challenges related to water management.

The analysis shows that as much as 78% of agricultural land is irrigated, while around 23% of water is lost due to outdated and inefficient systems. In addition, arable land accounts for only 16.5% of the country’s total territory, highlighting the need for more efficient use of available resources.

At the same time, the sector is undergoing significant structural changes, including a decline in the share of the workforce, as well as a persistent trade deficit in agriculture.

In this context, key priorities include the modernization of irrigation systems, particularly through the introduction of efficient solutions such as drip irrigation, support for the transition to organic production, and improved management of water resources.

Efficient water management remains a prerequisite for the development of sustainable and competitive agriculture.