Анализа на ССК: Над 26% од БДП е поврзан со сината економија – неискористен потенцијал за одржлив раст

Сојузот на стопански комори на Македонија (ССК), како партнер во проектот „Сина економија – GROWTH4BLUE“, изработи сеопфатна анализа за состојбите, потенцијалите и предизвиците на сината економија во нашата земја, со фокус на клучните сектори и пазарот на труд. Сината економија се однесува на одржливо користење на водните ресурси – езера, реки и водни екосистеми – за економски раст, нови работни места и заштита на животната средина.

Анализата покажува дека дури 26,85% од бруто-домашниот производ во земјата е поврзан со сектори на сината економија, што ја позиционира како еден од најзначајните, но сè уште недоволно искористени двигатели на економскиот развој. Истовремено, само 12,3% од овие активности се формално препознаени и структурирани како дел од сината економија, што укажува на значителен простор за подобро стратешко насочување и развој.

Во рамки на анализата се опфатени пет клучни сектори – туризмот, рибарството и аквакултурата, земјоделството, хидроенергијата и управувањето со води – кои заедно вработуваат над 110 илјади лица и имаат суштинско значење за одржливиот развој на земјата. Посебно се издвојува улогата на туризмот, кој учествува со значителен дел во БДП, при што Охридскиот регион останува главен носител на туристичката активност.

Анализата дополнително укажува дека, и покрај значајниот економски придонес, овие сектори се соочуваат со сериозни структурни предизвици, вклучително и недостиг на квалификувана работна сила, недоволна дигитализација, сезоналност во одредени гранки и зголемени притисоци врз животната средина. Паралелно, се идентификуваат и значајни можности за раст, особено преку развој на еко-туризмот, модернизација на водната инфраструктура, воведување зелени технологии и подобро управување со природните ресурси.

Преку оваа анализа, ССК укажува на потребата од посистемски пристап во креирањето политики, насочен кон подобра интеграција на сината економија во националните развојни стратегии, поттикнување инвестиции и зајакнување на човечкиот капитал, со цел создавање конкурентна и одржлива економија.

Проектот „GROWTH4BLUE (Generating Regional Opportunities for Workforce Transformation and High-tech Innovation in the Blue Economy)“, поддржан од Европската Унија преку инструментот ИПА III, има за цел да ја зајакне иновативноста, да го подобри усогласувањето на вештините со потребите на пазарот на труд и да поттикне одржлив економски раст во сината економија на Адрионскиот регион, преку регионална соработка и примена на современи алатки и анализи.

_______

SSK Analysis: Over 26% of GDP Linked to the Blue Economy – Untapped Potential for Sustainable Growth

The Union of Chambers of Commerce of Macedonia (SSK), as a partner in the project “Blue Economy – GROWTH4BLUE”, has prepared a comprehensive analysis of the current state, potential, and challenges of the blue economy in our country, with a focus on key sectors and the labor market. The blue economy refers to the sustainable use of water resources – lakes, rivers, and aquatic ecosystems – for economic growth, job creation, and environmental protection.

The analysis shows that as much as 26.85% of the country’s gross domestic product is linked to blue economy sectors, positioning it as one of the most significant, yet still underutilized drivers of economic development. At the same time, only 12.3% of these activities are formally recognized and structured as part of the blue economy, indicating substantial room for improved strategic direction and development.

The analysis covers five key sectors – tourism, fisheries and aquaculture, agriculture, hydropower, and water management – which together employ over 110,000 people and are essential for the country’s sustainable development. The role of tourism stands out in particular, contributing a significant share to GDP, with the Ohrid region remaining the main hub of tourism activity.

Furthermore, the analysis indicates that despite their significant economic contribution, these sectors face serious structural challenges, including a shortage of skilled labor, insufficient digitalization, seasonality in certain industries, and increasing environmental pressures. At the same time, considerable growth opportunities are identified, particularly through the development of eco-tourism, modernization of water infrastructure, introduction of green technologies, and improved management of natural resources.

Through this analysis, SSK highlights the need for a more systematic approach to policymaking, aimed at better integration of the blue economy into national development strategies, encouraging investment, and strengthening human capital, in order to build a competitive and sustainable economy.

The project “GROWTH4BLUE (Generating Regional Opportunities for Workforce Transformation and High-tech Innovation in the Blue Economy)”, supported by the European Union through the IPA III instrument, aims to strengthen innovation, improve the alignment of skills with labor market needs, and foster sustainable economic growth in the blue economy of the Adriatic-Ionian region through regional cooperation and the use of modern tools and analyses.