Кон поконкурентен и одржлив туризам во Македонија

Кон поконкурентен и одржлив туризам во Македонија

Поконкурентен туризам се гради со инвестиции во луѓето, дигитализацијата и квалитетот на туристичката понуда. За Македонија, овие приоритети се можност за развој на дестинации што привлекуваат посетители во текот на целата година и создаваат поголема вредност за локалната економија.

Европската комисија на 4 ноември ја претстави новата Стратегија на ЕУ за одржлив туризам, со фокус на поддршката за малите и средни претпријатија, развојот на вештини, примената на дигитални алатки и подоброто управување со дестинациите.

💬 „За македонскиот туризам, европските приоритети треба да бидат поттик за конкретни чекори: вложување во кадарот, дигитализација на услугите и поврзување на природното и културното богатство со квалитетна туристичка понуда. Со посилна соработка меѓу компаниите, институциите и локалните заедници можеме да ја продолжиме туристичката сезона и да создадеме повеќе можности за домашните бизниси“, истакнува Аркан Керим, претседател на Туристичко-угостителската комора при Сојузот на стопански комори на Македонија.

Новата европска стратегија отвора важна тема и за домашниот сектор: како потенцијалот на Македонија да го преточиме во препознатливо туристичко искуство, поконкурентни компании и долгорочна корист за заедниците.

Одржливиот туризам бара заедничка визија, јасни приоритети и континуирана работа.

Можеби ќе те интересира...

Заедно да придонесеме за економската стабилност на Македонија

Контакт инфо.