Потпишан Меморандум за соработка помеѓу ИНОФЕИТ ЕДИХ и Швајцарската Програма ИМЕ за поддршка на дигиталната трансформација на МСП

На 11 февруари 2026 година, Центарот за трансфер на технологии и иновации ИНОФЕИТ, како координатор на Европскиот дигитален иновациски хаб ИНОФЕИТ ЕДИХ, и Швајцарската Програма за зголемување на пазарната вработливост – ИМЕ, потпишаа Меморандум за соработка насочен кон поддршка на дигиталната трансформација на микро, малите и средни претпријатија во земјата.

Со Меморандумот се воспоставува рамка за заеднички активности што ќе им овозможат на компаниите да ја зголемат својата конкурентност, иновативност и ефикасност преку тестирање на нови решенија пред инвестирање, обуки и развој на дигитални вештини, пристап до финансии и поврзување со иновацискиот екосистем.

Директорот на ИНОФЕИТ ЕДИХ, проф. д-р Димитар Ташковски, истакна дека соработката има за цел создавање услови во кои компаниите ќе можат активно да експериментираат, да учат и да растат преку дигитализација и иновации, при што се отвораат нови можности за развој на решенија што придонесуваат за одржливост и конкурентност.

ИНОФЕИТ ЕДИХ ќе ја предводи имплементацијата на активностите преку организација на настани и работилници за зелена и дигитална трансформација, спроведување обуки и тренинзи за развој на дигитални компетенции, обезбедување услуги, опрема и инфраструктура во рамки на концептот „Test Before Invest“, како и преку поврзување на компаниите со релевантни институции и партнери од академијата и индустријата.

Швајцарската Програма ИМЕ ќе ја надополни соработката преку пренесување на потребите за дигитализација во секторите одржлив агробизнис и одржлив туризам, со посебен фокус на паметно земјоделство, преработка на храна со повисока додадена вредност и развој на современи туристички услуги.

Директорот на Швајцарската Програма ИМЕ, г. Горан Дамовски, нагласи дека агробизнисот и туризмот се меѓу клучните сектори за економски развој и дека партнерството ќе им помогне на компаниите да воведат нови дигитални решенија, да ги унапредат процесите и да создадат дополнителна вредност за своите производи и услуги.

Во рамки на соработката се предвидува и развој на пилот-иницијативи што ја демонстрираат практичната примена на дигиталните технологии. Во секторот одржлив агробизнис ќе се работи на воспоставување систем за контрола и следливост на квалитетот на производството, додека во секторот туризам се планира развој на платформа за лојалност во партнерство со локални институции и приватниот сектор.

Ова партнерство претставува значаен чекор кон зајакнување на иновацискиот екосистем и поддршка на модернизацијата на домашните компании, при што дигиталните технологии се препознаваат како клучен двигател на економски раст, конкурентност и одржлив развој.

Memorandum of Cooperation Signed Between INNOFEIT EDIH and the Swiss IME Programme to Support the Digital Transformation of SMEs

On 11 February 2026, the Center for Technology Transfer and Innovation INNOFEIT, as coordinator of the European Digital Innovation Hub INNOFEIT EDIH, and the Swiss Programme for Increasing Market Employability – IME, signed a Memorandum of Cooperation aimed at supporting the digital transformation of micro, small and medium-sized enterprises (SMEs) in the country.

The Memorandum establishes a framework for joint activities that will enable companies to increase their competitiveness, innovativeness, and efficiency through testing new solutions before investing, training and development of digital skills, access to finance, and connection with the innovation ecosystem.

The Director of INNOFEIT EDIH, Prof. Dr. Dimitar Taskovski, emphasized that the cooperation aims to create conditions in which companies can actively experiment, learn, and grow through digitalization and innovation, opening new opportunities for the development of solutions that contribute to sustainability and competitiveness.

INNOFEIT EDIH will lead the implementation of activities through the organization of events and workshops for green and digital transformation, delivery of trainings for the development of digital competencies, provision of services, equipment and infrastructure within the “Test Before Invest” concept, as well as by connecting companies with relevant institutions and partners from academia and industry.

The Swiss IME Programme will complement the cooperation by conveying digitalization needs within the sustainable agribusiness and sustainable tourism sectors, with a particular focus on smart agriculture, higher value-added food processing, and the development of modern tourism services.

The Director of the Swiss IME Programme, Mr. Goran Damovski, highlighted that agribusiness and tourism are among the key sectors for economic development and that the partnership will help companies introduce new digital solutions, improve their processes, and create additional value for their products and services.

The cooperation also envisages the development of pilot initiatives demonstrating the practical application of digital technologies. In the sustainable agribusiness sector, efforts will focus on establishing a system for quality control and traceability of production, while in the tourism sector, the development of a loyalty platform is planned in partnership with local institutions and the private sector.

This partnership represents a significant step toward strengthening the innovation ecosystem and supporting the modernization of domestic companies, recognizing digital technologies as a key driver of economic growth, competitiveness, and sustainable development.