Во динамичниот свет на креативноста и иновациите, заштитата на интелектуалната сопственост е клучна за сигурноста и развојот на секој автор, компанија или бренд.
Македонска авторска агенција ДОО нуди сеопфатни и стручни услуги во областа на авторското право и сродните права, со целосна правна и административна поддршка.

1. Составување на авторски, изведувачки и договори за дело и посредување при исплата на авторски надоместоци. Обезбедуваме професионална подготовка и правна поддршка при уредување на авторските односи, со цел јасно дефинирање на правата и обврските на договорните страни. Нашите услуги опфаќаат:

• Составување на авторски, изведувачи и договори за дело со домашни и меѓународни автори согласно важечката законска регулатива
• Подготовка на договори за пренос, отстапување и лиценцирање на авторски права
• Посредување при исплата на авторски надоместоци
• Следење и административна поддршка во процесот на финансиска реализација

1. Регистрација на авторски дела

Иако на авторот му припаѓа авторското право  над неговото авторско дело со самото создавање на делото, формалната регистрација претставува дополнителна правна сигурност и доказ во случај на спор. Нудиме:

• Подготовка и поднесување на документација
• Административна постапка за регистрација
• Правна евиденција и архивирање
• Советување за најсоодветен начин на заштита

1. Регистрација на трговски марки и индустриски дизајн

Вашиот бренд и визуелен идентитет се вредни средства кои заслужуваат соодветна заштита. Обезбедуваме:

• Проверка на достапноста на трговската марка/ индустрискиот дизајн преку пребарување во домашните и меѓународните бази
• Подготовка и поднесување пријава за регистрација
• Следење на постапката до добивање на решение/ сертификат
• Правна поддршка при евентуални приговори

Со правилна регистрација, вашиот бренд добива ексклузивно право на користење и правна заштита од злоупотреба.

1. Прибавување на лиценци за користење на туѓи авторски дела

Доколку сакате законски да користите музика, фотографии, текстови, филмови, софтвер или други авторски содржини, ние обезбедуваме целосна поддршка во процесот на лиценцирање. Нашите услуги вклучуваат: Преговарање со носители на права, Подготовка на лиценцни договори, Уредување на авторски надоместоци, Правна усогласеност со важечките прописи. Со ова ви овозможуваме сигурно и легално користење на туѓи дела без ризик од правни последици.

1. Консалтинг во областа на интелектуална сопственост

Нудиме професионално советување за физички и правни лица во сите аспекти на интелектуалната сопственост. Консалтинг услугите опфаќаат:

• Стратегии за заштита на интелектуална сопственост
• Анализа на ризик од повреда на права
• Подготовка на интерни политики и договори
• Поддршка при комерцијализација на креативни и иновативни проекти

Со индивидуален пристап и експертско знаење, помагаме вашите идеи да бидат правилно заштитени и успешно развиени.