Д-р Загорка Блажевска е иноватор и претприемач со повеќе од 20 години искуство во секторите за исхрана, додатоци во храна и агроиндустрија во регионот и ЕУ. Како основач и извршен директор на „Вита Нова“- со канцеларии во Скопје и Белград, специјализирана за иновативни и функционални прехранбени производи и диететски суплементи, таа го предводи развојот на висококвалитетни производи со клинички докажани активни состојки. Нејзината експертиза опфаќа развој и реформулација на рецептури, како и трансфер на технологии за создавање иновативни и конкурентни производи на пазарот. Таа е член на Советот за регионална иновациска стратегија на EIT Food (2023–2025) и евалутатор и рапортер на EIT Food и EIT Culture & Creativity и Horizon програми. Д-р Блажевска е добитник на повеќе меѓународни признанија, а меѓупозначајните се награда „Македонски бренд на квалитет (2022), „Жена претприемач во креативни индустрии на балкански регион (2023)“ (доделена од Regional Cooperation Council – EU) и „Лидерство и иновативност (2025, САД). Нејзината работа ја унапредува одржливоста и иновациите во храната, агро-прехранбениот сектор, како и поддршка на жените во претприемништвото Таа ги обединува научниот, деловниот и иновацискиот сектор, придонесувајќи кон развој на одржливи и висококвалитетни системи за исхрана во регионот.