gb  german  turkey  china  japan  italy  alb  serbia  france  UAE                                       

Градежната комора оствари средба со премиерот Зоран Заев

Претседателот на Градежната комора на Македонија, Ивица Јакимовски како и претставници на компании кои се нејзини членки, остварија средба со премиерот Зоран Заев, министерот за транспорт и врски Благој Бочварски и вицепремиерот задолжен за економски прашања Фатмир Битиќи.
 
Претседателот на Градежната комора, Ивица Јакимовски на средбата истакна дека градежниот сектор како еден од секторите двигатели на македонската економија може да допринесе за излез од кризата и за забрзување на економскиот раст во периодот на опоравување. Јакимовски потенцираше дека итно, без одложување треба да прекине мораториумот за градба во општините бидејќи ја оневозможува работата на градежните компании и тие трпат големи штети. Важно е и да се забрза донесувањето на деталните урбанистички планови во општините каде оваа постапка веќе е започната.
 
Претставниците на Градежната комора апелираа и да се најде решение за проблемот кој постои подолго време, а тоа е непочитување на законските рокови за издавање на соодветна документација и дозволи од страна на општините, со што се кочат градежните проекти.
Градежните компании веќе јавно изразија подготвеност да инвестираат 1 милијарда евра во наредните три години, доколку се создадат услови за да може да работат.
Прочитано 180 пати

Од Претседателот

Да бидеме лидер и глас на бизнис заедницата, подржувач на економскиот раст на членовите на комората. Заедно да придонесеме за економската стабилност на Македонија и партнерски забрзано да се движиме напред во нова декада на наше успешно работење.

Арсовска Данелa

Интернационална мрежа

F46DCE922CC1E446A2D47D87A78FE9A1

D234AF1A2FFA9C4197F508DA3F41A889

Контакт

 info @chamber.mk
  +389.2.3091440
  +389.2.3091440
  Црвена Скопска Општина бр.10

Следете не