gb  german  turkey  china  japan  italy  alb  serbia  france  UAE                                       

Асоцијацијата на туристички водичи пристапи во ССК да делува за опстојување на секторот

Денес Македонска асоцијација на туристички водичи и придружници пристапи во Сојуз на стопански комори на Македонија. Договорот го потпишаа претседателот на Туристичко угостителската комора при ССК, Владимир Граматиков и претседателот на МАТВП, Димитар Кавраков.

По потпишувањето на договорот на официјалната прес конференција претседателот на ТУК, Граматиков истакна дека заедно ќе делуваат кон застапување на интересите на асоцијацијата во сферата на нејзиното работење, пред институции и организации, на национално, регионално и интернационално ниво.

Не чека многу тежок период, состојбата во секторот туризам и угостителство, кој движи и други сродни дејности е загрижувачка. Предизвиците се големи, за сите нас, но веруваме дека со заедничка соработка и со обединет туристички сектор, со соодветна институционална поддршка и добра стратегија ќе успееме да ја надминеме кризата предизвикана од пандемијата. Последиците може да се ублажат со  сеопфатни мерки за поддршка да, се помогне за одржување на ликвидноста на претпријатијата и нивно опстојување. Дополнително неопходна е меѓународна промоција на земјата, адаптирање на моделот на субвенционирање спрема потребите на пазарот и поддршка на авиосообраќајот како главен двигател на туризмот“, истакна Граматиков и додаде дека не смее да дозволиме згаснување на дејности кои се особено важни и високо ценети во напредните земји.

Претседателот на МАТВП, Кавраков рече дека туристичките водичи веќе трет месец како не ја остваруваат својата дејност, а не се опфатени во пакетот економски мерки за поддршка на стопанството.

Од почетокот на пандемијата ковид 19 туристичкиот сектор во земјава претрпува големи загуби заради затворањето на границите и откажувањето на аранжманите од страна на странските тур оператори. За таа цел, Владата донесе пакет мерки во туристичкиот сектор во кој беа вклучени хотелите, угостителски објекти и туристички агенции, но за жал не и туристичките водичи. Во моментот како резултат на пандемијата туристичките водичи трпат големи финансиски загуби заради откажаните аранжмани, немаат никаква поддршка,  а уредно плаќаат даноци кон државата за дејноста која ја остваруваат. Во заштита на интересите на колегите покрај сите писмени барања, институционално доставени до Министерството за економија и до Владата, кои се однесуваат на финансиска подршка, засега немаме одговор“, истакна Кавраков и ја потенцира важноста на професија која е од посебен интерес и за државата укажувајќи на моменталната незавидна тешка положба со апел за неодложно изнаоѓање начин за финансиска поддршка со економските мерки.

Прочитано 70 пати

Од Претседателот

Да бидеме лидер и глас на бизнис заедницата, подржувач на економскиот раст на членовите на комората. Заедно да придонесеме за економската стабилност на Македонија и партнерски забрзано да се движиме напред во нова декада на наше успешно работење.

Арсовска Данелa

Интернационална мрежа

F46DCE922CC1E446A2D47D87A78FE9A1

D234AF1A2FFA9C4197F508DA3F41A889

Контакт

 info @chamber.mk
  +389.2.3091440
  +389.2.3091440
  Црвена Скопска Општина бр.10

Следете не