gb  german  turkey  china  japan  italy  alb  serbia  france  UAE                                       

Охридска банка Сосиете Женерал добитник на национална награда за најдобри општествено одговорни практики

Охридска банка Сосиете Женерал е добитник на националната награда за најдобри општествено одговорни практики во 2018 година, во категоријата за однос кон животната средина, што ја доделува Министерството за економија и Координативното тело за општествена одговорност на претпријатија. Покрај националната награда, Банката се закити и со две национални признанија за најдобри општествено одговорни практики во 2018 година.

Проектот „За чист град, пазари со нашата МастерКард“ ѝ ја донесе националната награда на Охридска банка во категоријата однос кон животната средина, а концептот на истиот беше наградна игра во која седумдесетте победници добија велосипеди. Пораката која ја носеше проектот беше дека велосипедите се директно решение во борбата за почист град и почист воздух. Наградната игра се спроведе во периодот декември 2017 – февруари 2018.

Освен наградата, Охридска банка Сосиете Женерал доби национални признанија за најдобри општествено одговорни практики за проектите „Култура и однесување“ во категоријата етичко управување и „Натпревар за најдобра бизнис идеја – Чиста 10-ка“ во категоријата вложување во заедницата. Натпреварот за најдобра бизнис идеја, „Чиста 10-ка“, имаше за цел да го поттикне претприемничкиот дух кај младите во Македонија, а победничката бизнис идеја доби фонд од 10.000 евра за отпочнување на бизнис. Преку проектот „Култура и однесување“, Банката за своите вработени организира обуки за подобрување на односот кон своите клиенти, сѐ со цел да се имплементираат најдобрите практики.

Националната награда за најдобри општествено одговорни практики се доделува по единаесетти пат, а годинава беа пријавени 38 проекти од 25 претпријатија во петте категории. Охридска банка Сосиете Женерал конкурира во сите пет категории. Изборот за национална награда се вршеше помеѓу компаниите кои во Македонија реализирале општествено одговорни проекти или практики во периодот од 1 јуни, 2017г. до 1 јуни, 2018г.

Прочитано 61 пати

Од Претседателот

Да бидеме лидер и глас на бизнис заедницата, подржувач на економскиот раст на членовите на комората. Заедно да придонесеме за економската стабилност на Македонија и партнерски забрзано да се движиме напред во нова декада на наше успешно работење.

Арсовска Данелa

Интернационална мрежа

F46DCE922CC1E446A2D47D87A78FE9A1

D234AF1A2FFA9C4197F508DA3F41A889

Контакт

 info @chamber.mk
  +389.2.3091440
  +389.2.3091440
  Црвена Скопска Општина бр.10

Следете не